Մեր մասին

«Ֆուդ Ֆեքթըրին» առցանց հարթակ է, որը հնարավորություն է տալիս պատվիրել գյուղատնտեսական ապրանքներ անմիջապես ֆերմայից՝ թարմ, օրգանական ու համեղ վիճակում։ Հարթակը գործարկվել է հայ ֆերմերների արտադրանքի իրացմանը նպաստելու, ինչպես նաև սպառողներին իրական գյուղմթերք վայելելու հնարավորություն տալու համար։ Մենք մի հարկի տակ ենք հավաքել ավելի քան 20 ֆերմերների, ովքեր մեզ և միմյանց հետ սերտ համագործակցության շնորհիվ սպառողին են ներկայանում հարուստ ու համեղ տեսականիով։

Ստեղծման առաջին իսկ օրից մեր գլխավոր առաքելությունն է եղել հայ ֆերմերների արտադրանքի իրացմանը նպաստելը։ Նրանք հնարավորություն են ստացել սպառողին ներկայացնել իրենց տեսականին, պատմել իրենց արտադրության և գործունեության մասին։ Ավելի մեծ պահանջարկի շնորհիվ ֆերմերները կարող են մեծացնել իրենց արտադրանքի ծավալները՝ այսպիսով զարգացնելով իրենց տնտեսությունը։ Սպառողն էլ, իր հերթին, հնարավորություն ունի պատվիրել օրգանական արտադրության գյուղմթերք անմիջապես ֆերմայից՝ նախապես տեսնելով՝ որ ֆերմերից է պատվիրում։

Մենք համագործակցում ենք Հայաստանի տարբեր անկյուններում ապրող ու գործունեություն ծավալող փոքր ու միջին ֆերմերների հետ։ Նրանք կայքում ունեն իրենց անձնական էջը, որտեղ կարող եք տեսնել՝ ինչ են առաջարկում, որտեղ և ինչ պայմաններում են ստանում իրենց մթերքը։ Մեր ֆերմերները իրենց ապրանքը մշակում են միայն ու միայն օրգանական եղանակով՝ բացառելով ցանկացած հավելանյութի առկայությունը։ Նրանք անընդհատ բարելավում են թե՛ իրենց արտադրանքը, և թե՛ տեսականին, որպեսզի էլ ավելի ամբողջական ներկայանան սպառողին։
Ֆերմերներին մենք ընտրում ենք ամենայն բծախնդրությամբ՝ նախապես ապահովելով նրանց արտադրանքի որակի վերահսկողությունը, ինչպես նաև ապրանքի թարմությունը։

Մեր ծառայությունները բաղկացած են պարզ հաջորդական շղթայից․

1. Պատվերների ընդունում սպառողից
2. Պատվիրված ապրանքների հավաքագրում անմիջապես ֆերմայից
3. Ապրանքի փաթեթավորում
4. Այսպիսով՝ թարմ մթերքի արագ ու անվտանգ առաքում